ວັນຈັນ, 21/08/2017

.

ປະຫວັດທະນາຄານລາວຫວຽດ

ປະຫວັດການຂະຫຍາຍຕົວ

ເພື່ອແນໃສ່ເສີມການຂະຫຍາຍສາຍພົວພັນການຄ້າ ລະຫວ່າງສອງປະເທດລາວ – ຫວຽດນາມ ແລະ ຊ່ວຍເຫຼືອບັນດານັກລົງທຶນຫວຽດນາມ ເປີດກ້ວາງການເຄື່ອນໄຫວລົງທຶນຢູ່ລາວ, ປະຕິບັດສົນທິສັນຍາລະຫວ່າງ ລັດຖະບານສອງປະເທດລາວ - ຫວຽດນາມ, ທະນາຄານຮຸ້ນສ່ວນລົງທຶນ ແລະ ພັດທະນາຫວຽດນາມ (BIDV) ໄດ້ເປັນຜູ້ລິເລີ່ມຮ່ວມມືກັບ ທະນາຄານການຄ້າຕ່າງປະເທດລາວ ມະຫາຊົນ (BCEL) ເພື່ອສ້າງຕັ້ງທະນາຄານຮ່ວມທຸລະກິດລາວຫວຽດ. ໃນວັນທີ 22/06/1999 ຢູ່ທີ່ນະຄອນຫຼວງວຽງຈັນ, ທະນາຄານຮ່ວມທຸລະກິດລາວຫວຽດ ຖືເປັນກຽດຈັດພິທີຕັດແຖບຜ້າເປີດ ການເຄື່ອນໄຫວຢ່າງເປັນທາງການ ໂດຍການເຂົ້າຮ່ວມເປັນສັກຂີພິຍານຂອງການນຳພັກ, ລັດຖະບານ ສສ ຫວຽດນາມ ແລະ ພັກ, ລັດຖະບານ ສປປ ລາວ. ທະນາຄານຮ່ວມທຸລະກິດລາວຫວຽດ ໄດ້ສ້າງຕັ້ງຂຶ້ນເພື່ອແນໃສ່ປະຕິບັດບັນດາ ໜ້າທີ່ການເມືອງທີ່ພັກ, ລັດຖະບານຫວຽດນາມມອບໝາຍໃຫ້ ເປັນຂົວຕໍ່ທາງດ້ານການເງິນໃຫ້ແກ່ບັນດາໂຄງການ ຮ່ວມມືລະຫວ່າງ ລັດຖະບານສອງປະເທດ, ເປັນຂົວຕໍ່ຊຳລະສະສາງລະຫວ່າງ 02 ປະເທດ...

ໂດຍໄດ້ຮັບການສ້າງຕັ້ງຂຶ້ນດ້ວຍທຶນຈົດທະບຽນເລີ່ມຕົ້ນ 10 ລ້ານ USD ຕາມອັດຕາສ່ວນການປະກອບທຶນ 50/50. ຜ່ານການເພີ່ມທຶນ ແລະ ອັດຕາສ່ວນການປະກອບທຶນຫຼາຍຄັ້ງ, ປີ 2015 LaoVietBank ໄດ້ສຳເລັດການເພີ່ມທຶນ ຈົດທະບຽນຂຶ້ນເປັນ 100 ລ້ານ USD ເພື່ອຂະຫຍາຍຂະໜາດ, ຕາໜ່າງການເຄື່ອນໄຫວແນໃສ່ຊ່ວຍເຫຼືອບັນດາ ນັກລົງທຶນຫວຽດນາມ ແລະ ລາວ ເຄື່ອນໄຫວທຸລະກິດຢູ່ລາວໃຫ້ດີທີ່ສຸດ. ນັບແຕ່ໄດ້ຮັບການສ້າງຕັ້ງ ແລະ ເຂົ້າສູ່ການເຄື່ອນໄຫວຈົນເຖີງປະຈຸບັນ LaoVietBank ໃນແຕ່ລະສະພາບເສດຖະກິດທີ່ແຕ່ຕ່າງກັນ, LaoVietBank ບໍ່ຍຸດທີ່ຈະຂະຫຍາຍຕົວໃນແຕ່ລະໄລຍະ.

1. ໄລຍະປີ 1999 – 2004: ການກຳເນີດຂອງທະນາຄານຮ່ວມທຸລະກິດລາວຫວຽດ ແລະ ພາລະໜ້າທີ່ເປັນຂົວຕໍ່ໃຫ້ ແກ່ສອງພື້ນຖານເສດຖະກິດ:

ໃນການພົວພັນກັບຕ່າງປະເທດແຕ່ອະດິດຈົນເຖີງປະຈຸບັນ, ສາຍພົວພັນແບບພິເສດຫວຽດນາມ – ລາວ ເປັນໜຶ່ງແບບ ຢ່າງທີ່ຫາໄດ້ຍາກຕໍ່ການເຊື່ອມໂຍງທີ່ຢືນຍົງ, ຊື່ສັດ, ບໍລິສຸດ ແລະ ເຕັມໄປດ້ວຍໝາກຜົນລະຫວ່າງສອງຊົນຊາດທີ່ຕໍ່ສູ້ ເພື່ອເອກະລາດ, ເສລີພາບ ແລະ ຄວາມກ້າວໜ້າຂອງສັງຄົມ.

ພາຍຫຼັງກວ່າ 30 ປີ ນັບແຕ່ມື້ສ້າງຕັ້ງສາຍພົວພັນຕ່າງປະເທດຫວຽດນາມ - ລາວ, ຮອດໄລຍະປີ 1990, ສາຍພົວພັນ ມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງປະເທດບໍ່ຢຸດທີ່ຈະໄດ້ ຮັບການເສີມສ້າງ ແລະ ພັດທະນາທັງດ້ານເນື້ອໃນ ແລະ ຂົງເຂດ. ຕໍ່ກັບສາຍພົວພັນແບບພິເສດຫວຽດນາມ - ລາວ, ລັດຖະບານສອງປະເທດຍາມໃດກໍ່ຖືເອົາສາຍພົວພັນຮ່ວມມືສຳຄັນເທົ່າກັບສາຍພົວພັນອັນດີງາມທາງດ້ານການເມືອງ ໂດຍຜ່ານການເປີດກວ້າງການຮ່ວມມືໃນຫຼາຍຂົງເຂດເຊັ່ນການລົງທຶນ, ການຄ້າແມ່ນປັດໃຈຊຸກຍູ້ວຽກງານການກໍ່ສ້າງ ແລະ ພັດທະນາປະເທດຊາດຂອງແຕ່ລະປະເທດ.

ວັນ​ທີ 14/01/1996, ສົນ​ທິ​ສັນ​ຍາ​ວ່າ​ດ້ວຍ​ການ​ສົ່ງ​ເສີມ ແລະ ປົກ​ປ້ອງ​ການ​ລົງ​ທຶນລະ​ຫວ່າງ​ສອງ​ປະ​ເທດໄດ້ຮັບ​ການ​ເຊັນລົງ​ນາມເຊີ່ງ​ໄດ້ສ້າງ​ໃບ​ໜ້າ​ອັນ​ໃໝ່​ໃຫ້​ແກ່​ການ​ເຄື່ອນ​ໄຫວ​ລົງ​ທຶນ​ຂອງ​ບັນ​ດາ​ນັກ​ທຸ​ລະ​ກິດ​ຫວຽດ​ນາມ​ຢູ່​ລາວ. ວັນ​ທີ 09/03/1998 ສົນ​ທິ​ສັນ​ຍາ​ວ່າ​ດ້ວຍ​ການ​ຄ້າສືບ​ຕໍ່​ໄດ້​ຮັບ​ການ​ເຊັນ​ລົງ​ນາມ​ລະ​ຫວ່າງ​ສອງ​ປະ​ເທດ.

ພາຍຫຼັງ​ສົນ​ທິ​ສັນ​ຍາ​ສົ່ງ​ເສີມແລະປົກ​ປ້ອງ​ການ​ລົງ​ທຶນ, ສົນ​ທິ​ສັນ​ຍາ​ການ​ຄ້າ​ລະ​ຫວ່າງ​ສອງ​ປະ​ເທດ​ ໄດ້​ຮັບ​ການ​ເຊັນ​ລົງ ນ​າ​ມຮຽກ​ຮ້ອງ​ໃຫ້​ມີໜຶ່ງຂົວ​ຕໍ່​ຊຳ​ລະສະ​ສາງລະ​ຫວ່າງສອງ​ພື້ນ​ຖານ​ເສດ​ຖະ​ກິດ. ສາຍ​ພົວ​ພັນ​ການ​ຄ້າ​ລະ​ຫວ່າງ​ສອງ​ປະ​ເທດ​ຄ່ອຍໆ​ໄດ້​ຮັບ​ການ​ເປີດກວ້າງຮຽກ​ຮ້ອງ​ໃຫ້​ຈຳ​ເປັນ​ຕ້ອງ​ມີ​ບ່ອນ​ຊະ​ລະ​ສະ​ສາ​ງ​ທີ່​ປວດ​ໄພ, ວ່ອງ​ໄວ​ໂດຍ​ຜ່ານ​ທະ​ນາ​ຄານ​ລະ​ຫວ່າງ​ສອງ​ປະ​ເທດນັບ​ມື້​ນັບ​ມີ​ຄວາມ​ຈຳ​ເປັນ. ຈາກ​ຄວາມ​ຮຽກ​ຮ້ອງ​ຕ້ອງ​ການ​ດັ່ງ​ກ່າວພັກ, ລັດ​ຖະ​ບານ​ຫວຽດ​ນາມ​ໄດ້​ໃຫ້​ຄວາມ​ໄວ້​ວາງ​ໃຈເລືອກ​ເອົາ​ທະ​ນາ​ຄານ​ຮຸ້ນ​ສ່ວນ​ລົງ​ທຶນແລະພັດ​ທະ​ນາ​ຫວຽດ​ນາມ (BIDV) ແລະພັກ, ລັດ​ຖະ​ບານ​ລາວ​ໃຫ້​ຄວາມ​ເຊື່ອ​ໝັ້ນ​ເລືອກ​ເອົາທະ​ນາ​ຄານ​ການ​ຄ້າ​ຕ່າງ​ປະ​ເທດ​ລາວມະ​ຫາ​ຊົນ (BCEL), ເຊີ່ງ​ເປັນ​ສອງ​ທະ​ນາ​ຄານ​ທີ່​ຢູ່ແຖວ​ໜ້າຂອງ​ແຕ່​ລະ​ປະ​ເທດປະ​ຕິ​ບັດ​ການ​ຮ່ວມ​ທຸ​ລະ​ກິດ​ສ້າງ​ຕັ້ງ​ທະ​ນາ​ຄານ​ຮ່ວມ​ທຸ​ລະ​ກິດ​ລາວ​ຫວຽດ.

ວັນ​ທີ 22/06/1999, ບົນ​ພື້ນ​ຖານ​ໝາກ​ຜົນ​ຂອງ​ການ​ຮ່ວມ​ມື, ທະ​ນາ​ຄານ​ຮ່ວມ​ທຸ​ລະ​ກິດ​ລາວ​ຫວຽດ​ໄດ້​ຮັບການ​ສ້າງ​ຕັ້ງ​ຂຶ້ນແລະເຄື່ອນ​ໄຫວ​ຢ່າງ​ເປັນ​ທາງ​ການໂດຍ​ໄດ້​ຮັບ​ກຽດ​ເຂົ້າ​ຮ່ວມ​ເປັນ​ສັກ​ຂີ​ພິ​ຍານ​ຈາກ​ຕົວ​ແທນ​ພັກ, ລັດ​ຖະ​ບານຫວຽດ​ນາມ ແລະ ລາວ.

ທະ​ນາ​ຄານ​ຮ່ວມ​ທຸ​ລະ​ກິດ​ລາວ​ຫວຽດ​ໄດ້​ຮັບ​ການ​ສ້າ​ງ​ຕັ້ງ​ໂດຍ​ມີ​ທຶນ​ຈົດ​ທະ​ບຽນ​ເລີ່ມ​ຕົ້ນ​ແມ່ນ 10 ລ້ານ​ USD ດ້ວຍ​ອັດ​ຕາ​ສ່ວນ​ການ​ປະ​ກອບ​ທຶນ 50:50. ເພື່ອ​ສ້າງ​ເງື່ອນ​ໄຂ​ປະ​ຕິ​ບັດ​ໜ້າ​ທີ່ເປັນ​ຂົວ​ຕໍ່​ຊຳ​ລະ​ສະ​ສາງ​ລະ​ຫວ່າງລາວ – ຫວຽດ​ນາມ, ທະ​ນາ​ຄານ​ຮ່ວມ​ທຸ​ລະ​ກິດ​ລາວ​ຫວຽດໄດ້​ສ້າງ​ຕັ້ງ 02 ສາ​ຂາ​ຢູ່​ຫວຽດ​ນາມ​ແມ່ນ​ສາ​ຂາ LaoVietBank ຮ່າ​ໂນ້ຍປີ 2000 ແລະ ສາ​ຂາ LaoVietBank ໂຮ່​ຈີ​ມິງ ປີ 2003 ໂດຍ​ມີ​ທຶນ​ຈົດ​ທະ​ບຽນ​ຂອງ​ແຕ່​ລະ​ສາ​ຂາ​ແມ່ນ 2,5 ລ້ານ USD. ປີ 2001 ສືບ​ຕໍ່​ເປີດກວ້າງຕາ​ໜ່າງ​ການ​ເຄື່ອນ​ໄຫວຢູ່ເຂດ​ພາກ​ໃຕ້​ຂອງ​ລາວດ້ວຍ​ການ​ສ້າງ​ຕັ້ງ​ສາ​ຂາ LaoVietBank ແຂວງ​ຈຳ​ປາ​ສັກ. ປີ 2001 ເຂົ້າ​ຮ່ວມ​ເຄືອ​ຂ່າຍ​ຊຳ​ລະ​ສະ​ສາງລະ​ຫວ່າງ​ທະ​ນາ​ຄານ​ໃນ​ທົ່ວ​ໂລກ SWIFT ເຊີ່ງ​ມີ​ລະ​ຫັດ​ SWIFT ແມ່ນ LAOVALA ນີ້​ແມ່ນ​ເງື່ອນ​ໄຂ​ສະ​ດວກ​ເພື່ອ​ຮັບ​ໃຊ້​ວຽກ​ງານ​ຊຳ​ລະ​ສະ​ສາງ​ໃຫ້​ແກ່​ລູກ​ຄ້າ ແລະ ຊຸກ​ຍູ້​ສາ​ຍ​ພົວ​ພັນ​ຮ່ວມ​ມື​ທາງດ້ານ​ເສດ​ຖະ​ກິດລະ​ຫວ່າງລາວ – ຫວຽດ​ນາມໄດ້​ຢ່າງວ່ອງ​ໄວ​, ສະ​ດວກ​ສະ​ບາຍກວ່າ​ເກົ່າ. ດ້ວຍ​ບັນ​ດາ​ໝາກ​ຜົນ​ປະ​ກອບ​ສ່ວນ​ເພື່ອ​ພາ​ລະ​ກິດ​ພັດ​ທະ​ນາ​ເສດ​ຖະ​ກິດ​ຂອງ​ລາວ, ທະ​ນາ​ຄານ​ຮ່ວມ​ທຸ​ລະ​ກິດ​ລາວ​ຫວຽດ​ ເປັນ​ກຽດ​ໄດ້​ຮັບຫຼຽນ​ໄຊ​ແຮງ​ງານຊັ້ນ​ສາມ (ປີ 2002) ແລະ ຫຼຽນ​ໄຊ​ແຮງ​ງານ​ຊັ້ນ​ສອງ (ປີ 2004) ໂດຍ​ພັກ, ລັດ​ຖະ​ບານ​ລາວມອບ​ໃຫ້.

2. ໄລຍະປີ 2005 – 2009: ສືບຕໍ່ກໍ່ສ້າງສະຖາບັນ, ຂະຫຍາຍຕົວແລະເອົາໃຈໃສ່ສູ້ຊົນຜ່ານຜ່າບັນດາທ່າອ່ຽງຂອງພື້ນຖານເສດຖະກິດ

ໂດຍຜ່ານ 5ປີ​ແຫ່ງ​ການກໍ່​ສ້າງແລະຂະ​ຫຍາຍ​ຕົວ (1999 – 2004), ທະ​ນາ​ຄານ​ຮ່ວມ​ທຸ​ລະ​ກິດ​ລາວ​ຫວຽດບາດ​ກ້າວ​ທຳ​ອິດ​ໄດ້​ສຳ​ເລັດ​ໜ້າ​ທີ່​ດີ​ເດັ່ນ​ພາ​ລະ​ກິດ​ເປັນສາຍ​ເລືອດ​ເຊື່ອມ​ໂຍງ​ສອງ​ໂຄງ​ສ້​າງ​ເສດ​ຖະ​ກິດ.ຄຽງ​ຄູ່​ກັນ​ນັ້ນ, ທະ​ນາ​ຄານ​ຮ່ວມ​ທຸ​ລະ​ກິດ​ລາວ​ຫວຽດຍັງ​ກະ​ໂດດ​ຂຶ້ນໃນ​ການກໍ່​ສ້າງ ແລະ ສະ​ແດງ​ທີ່​ຕັ້ງ​ຂອງ​ຕົນໃນ​ຕະຫຼ​າດ​ການ​ເງິນ​ການ​ທະ​ນາ​ຄານຢູ່​ລາວຜ່ານ​ບັນ​ດາ​ການ​ເຄື່ອນ​ໄຫວ​ຊຳ​ລະ​ສະ​ສາງ, ສິນ​ເຊື່ອ…, ປະ​ກອບ​ສ່ວນສ້າງສະຖຽນລະພາບເສດຖະກິດມະ ຫາພາກ, ຄວບຄຸມອັດຕາເງິນເຟີ້, ພ້ອມທັງເປີດກວ້າງຜະລິດຕະພັນບໍລິການທີ່ຮັບໃຊ້ໃຫ້ແກ່ບັນດານັກທຸລະກິດ ແລະ ປະຊາຊົນທັງສອງປະເທດບົນພື້ນຖານເຕັກໂນໂລຊີທີ່ທັນສະໄໝ.

ໃນໄລຍະນີ້ສາຍພົວພັນລາວ–ຫວຽດນາມນັບມື້ໄດ້ຮັບການຍົກສູງ. ສອງປະເທດເປັນເອກະພາບຊຸກຍູ້ການຮ່ວມມືລົງທຶນ, ການຄ້າລະຫວ່າງສອງປະເທດບົນພື້ນຖານເຄົາລົບລະບຽບສາກົນ, ໃຫ້ການເອົາໃຈໃສ່, ບຸລິມະສິດໃຫ້ກັນ ແລະ ກັນ ເພື່ອແນໃສ່ເສີມຂະຫຍາຍຄວາສາມາດ, ທ່າແຮງອັນສູງສຸດຂອງແຕ່ລະປະເທດ ບົນພື້ນຖານສາຍພົວພັນແບບພິ ເສດທີ່ມີຢູ່ແລ້ວ. ດ້ວຍການເອົາໃຈໃສ່ຂອງສອງປະເທດ, ຮ່ວມມືລົງທຶນນັບມື້ບັນລຸໄດ້ບັນດາໝາກຜົນທັງດ້ານເນື້ອໃນ ແລະ ປະລິມານ. ຫວຽດນາມນອນຢູ່ອັນດັບ 3 ໃນບັນດາປະເທດທີ່ລົງທຶນຢູ່ລາວ ໂດຍມີ 129 ໂຄງການ ແລະ ຈຳນວນທຶນທັງໝົດ 574,7 ລ້ານ USD. ລະບົບທະນາຄານທຸລະກິດຢູ່ລາວຂະຫຍາຍຕົວຢ່າງວ່ອງໄວ ປະກອບສ່ວນ ຢ່າງຕັ້ງໜ້າເຂົ້າໃນພາລະກິດພັດທະນາເສດຖະກິດຂອງປະເທດຊາດ.

ທ້າຍປີ 2008 ພື້ນຖານເສດຖະກິດໂລກໄດ້ຮັບຜົນກະທົບຈາກວິກິດການທີ່ພັກອາໄສເກີດຂຶ້ນຢູ່ອາເມລິກາ ໄດ້ແຜ່ຂະ ຫຍາຍຢ່າງໄວວາ ກາຍເປັນວິກິດການການເງິນໃນທົ່ວໂລກ. ມໍລະສູມວິກິດການດ້ານການເງິນໂລກໄດ້ເຮັດໃຫ້ມີການ ເຄື່ອນເໜັງບັນດາພື້ນຖານເສດຖະກິດໂລກ, ທັງໝົດບັນດາພື້ນຖານເສດຖະກິດທີ່ພັດທະນາໃນທົ່ວໂລກ ລ້ວນແຕ່ຕົກ ຢູ່ໃນວິກິດການ. ໃນສະພາບການດັ່ງກ່າວ, ທະນາຄານຮ່ວມທຸລະກິດລາວຫວຽດ ສືບຕໍ່ເຄື່ອນໄຫວຢ່າງເຂັ້ມແຂງ ແລະ ຢັ້ງຢືນໜ້າທີ່ເປັນຂົວຕໍ່ຊຳລະສະສາງ ລະຫວ່າງຫວຽດນາມ ແລະ ລາວ, ເປັນສູນການແລກປ່ຽນສະກຸນເງິນ VND/LAK ຮັບໃຊ້ໃຫ້ບັນດາວິສາຫະກິດ ແລະ ປະຊາຊົນສອງປະເທດ. ຮອດທ້າຍປີ 2009, ໝາກຜົນການເຄື່ອນ ໄຫວທຸລະກິດຂອງທະນາຄານຮ່ວມທຸລະກິດລາວຫວຽດ ຍັງໄດ້ຮັບບັນດາຜົນສຳເລັດທີ່ໜ້າຈົດຈຳເຖີງວ່າຈະໄດ້ຮັບຜົນ ກະທົບຈາກວິກິດການເສດຖະກິດໂລກ, ການເຄື່ອນໄຫວລະດົມທຶນກັບທີ່ບັນລຸ 136,5 ລ້ານ USD, ທົບ 4,1 ຄັ້ງ ຂອງປີ 2004. ອັດຕາການຂະຫຍາຍຕົວການລະດົມທຶນສະເລ່ຍໄລຍະປີ 2005 – 2009 ບັນລຸ 38,3%. ລວມຍອດ ໜີ້ຄ້າງຈ່າຍບັນລຸ 178,5 ລ້ານ USD, ທົບ 3,8 ຄັ້ງ ຂອງປີ 2004, ອັດຕາການຂະຫຍາຍຕົວສະເລ່ຍບັນລຸ 30,8%. ກຳໄລກ່ອນເສຍອາກອນບັນລຸຫຼາຍກວ່າ 2,4 ລ້ານ USD. ສືບຕໍ່ເປີດກ້ວາງຕາໜ່າງການເຄື່ອນໄຫວ ໂດຍການສ້າງຕັ້ງ ສາຂາສະຫວັນນະເຂດໃນປີ 2009.

ໃນໄລຍະນີ້, ທະນາຄານຮ່ວມທຸລະກິດລາວຫວຽດໄດ້ເລີ່ມກໍ່ສ້າງສຳນັກງານໃຫຍ່ LaoVietBank ໃຫ້ກາຍເປັນຈຸດ ຢືນທີ່ໝັ້ນຄົງໃນການຂະຫຍາຍຕົວ. ຜັນຂະຫຍາຍລະບົບ ATM ຢ່າງເປັນທາງການຢູ່ລາວ ແລະ ບັນດາບັດ ATM ທຳອິດທີ່ເປັນເຄື່ອງໝາຍການຄ້າໃຫ້ແກ່ທະນາຄານຮ່ວມທຸລະກິດລາວຫວຽດໄດ້ເປີດໃຊ້ໃນຕະຫຼາດການເງິນຂອງລາວ. ສຳເລັດການເພີ່ມທຶນຈົດທະບຽນຈາກ 10 ລ້ານ USD ຂຶ້ນເປັນ 15 ລ້ານ USD ໃນປີ 2005 ແລະ ເພີ່ມທຶນຈົດທະ ບຽນໃຫ້ແກ່ 02 ສາຂາຢູ່ຫວຽດນາມ ຈາກ 2,5 ລ້ານ USD ຂຶ້ນເປັນ 3,75 ລ້ານ USD ໃຫ້ແຕ່ລະສາຂາເພື່ອຍົກສູງ ກຳລັງດ້ານການເງິນ…ເພື່ອຮັບຮູ້ໄດ້ບັນດາຜົນງານສຳລັບການກໍ່ສ້າງ ແລະ ພັດທະນາເສດຖະກິດ, ທະນາຄານຮ່ວມທຸ ລະກິດລາວຫວຽດເປັນກຽດໄດ້ຮັບຫຼຽນໄຊແຮງງານຊັ້ນສອງ ແລະ ຫຼຽນໄຊແຮງງານຊັ້ນໜຶ່ງ ໂດຍພັກ, ລັດຖະບານ ລາວມອບໃຫ້.

ດັ່ງນັ້ນ, ໃນໄລຍະນີ້ ທະນາຄານຮ່ວມທຸລະກິດລາວຫວຽດສືບຕໍ່ມີບັນດາບາດກ້າວທີ່ໝັ້ນຄົງໃນການເປັນໜຶ່ງສະຖາບັນ, ກຳນົດຈຸດຍືນເປັນທະນາຄານພິເສດ, ນຳໜ້າໃຫ້ແກ່ການເຄື່ອນໄຫວລົງທຶນຢູ່ລາວຂອງບັນດາວິສາຫະກິດຫວຽດນາມ ກໍ່ຄືມີບັນດາບາດກ້າວທີ່ໝັ້ນຄົງໃນການເຊື່ອມໂຍງ.

3. ​ໄລຍະປີ 2010 – 2014: ທະນາຄານຮ່ວມທຸລະກິດລາວຫວຽດໃນໄລຍະປັບປຸງໂຄງສ້າງ, ເປັນເຈົ້າການເຊື່ອມໂຍງ

ພາຍຫຼັງ 10 ປີ​ແຫ່ງ​ກາ​ນກໍ່​ສ້າງ ແລະ ຂະ​ຫຍາຍ​ຕົວ, ທະ​ນາ​ຄານ​ຮ່ວມ​ທຸ​ລະ​ກິດ​ລາວ​ຫວຽດ​ ໄດ້​ສ້າງ​ຕົນ​ເອງ​ເປັນ​ໜຶ່ງ​ໃນ​ລະ​ບົບບັນ​ດາ​ທະ​ນາ​ຄານເຄື່ອນ​ໄຫວໃນ​ຕະຫຼາດ​ການ​ເງິນ​ຂອງ​ລາວ. ກໍ່​ຄື​ພາຍຫຼັງ 10 ປີປະ​ຕິ​ບັດ​ໜ້າ​ທີ່ເຊື່ອມ​ໂຍງ​ຊຳ​ລະ​ສະ​ສາງສອງ​ພື້ນ​ຖານ​ເສດ​ຖະ​ກິດ, ບໍ່​ພຽງ​ແຕ່​ເປັນໃບ​ທຸງທຳ​ອິດແນະ​ນຳ​ບັນ​ດາ​ການ​ເຄື່ອນ​ໄຫວ​ລົງ​ທຶນ​ຂອງ​ຫວຽດ​ນາມ​ຢູ່​ລາ​ວ, ທະ​ນາ​ຄານ​ຮ່ວມ​ທຸ​ລະ​ກິດ​ລາວ​ຫວຽດ ​ຖອດ​ຖອນ​ໄດ້​ບັນ​ດາ​ບົດ​ຮຽ​ນທີ່​ເປັນ​ປະ​ສົບ​ການ, ກະ​ກຽມ​ອຸ​ປະ​ກອນ​ອັນ​ມີ​ຄ່າ​ໃຫ້​ແກ່​ພາ​ລະ​ກິດ​ຂະ​ຫຍາຍ​ຕົວຂອງ​ຕົນເພື່ອ​ເຮັດ​ໃຫ້​ນັບ​ມື້ປະ​ຕິ​ບັດ​ໄດ້​ດີກວ່າ​ເກົ່າໜ້າ​ທີ່ທີ່​ລັດ​ຖະ​ບານ​ໄດ້​ມອບ​ໝາຍ​ໃຫ້.

ໄລ​ຍະ​ປີ 2010 – 2014, ສາ​ຍ​ພົວ​ພັນ​ມິດ​ຕະ​ພາບ​ອັນ​ເປັນ​ມູນ​ເຊື້ອ, ຄວາມ​ສາ​ມັກ​ຄີ​ພິ​ເສດ ແລະ ການ​ຮ່ວມ​ມື​ຮອບ​ດ້ານ​ລະ​ຫວ່າງສອງ​ປະ​ເທດຫວຽດ​ນາມ – ລາວ ທີ່​ພັກ, ລັດ​ຖະ​ບານ ແລະ ປະ​ຊາ​ຊົນ​ສອງ​ປະ​ເທດ​​ຮັບ​ຮູ້​ເປັນ​ສາຍ​ພົວ​ພັນ​ທີ່​ຊື່​ສັດ, ບໍ​ລິ​ສຸດ, ເປັນ​ແບບ​ຢ່າງແລະຫາ​ໄດ້​ຍາກໃນ​ໂລກ, ເປັນ​ສັບ​ສິນ​ທີ່​ບໍ່​ສາ​ມາດ​ປະ​ເມີນ​ລາ​ຄາ​ໄດ້, ເປັນປັດ​ໄຈ​ສຳ​ຄັນ​ໃນ​ການ​ພັດ​ທະ​ນາ​ຂອງ​ສອງປະ​ເທດຫວຽດ​ນາມ ແລະ ລາວ. ການ​ຮ່ວມ​ມື​ດ້ານ​ເສດ​ຖະ​ກິດລະ​ຫວ່າ​ງ​ສອງ​ປະ​ເທດ​ສືບ​ຕໍ່​ໄດ້​ຮັບ​ການ​ເສີມ​ຂະ​ຫຍາຍ, ສ​າຍ​ພົວ​ພັນ​ແລກ​ປ່ຽນ​ການ​ຄ້າບໍ່​ຢຸດ​ທີ່​ຈະ​ໄດ້​ຮັບ​ການ​ແກ້​ໄຂຈາກ​ອັດ​ຕາ​ການ​ສົ່ງ​ອອກ​ນຳ​ເຂົ້າສອງ​ປະ​ເທດສືບ​ຕໍ່​ໄດ້​ຮັບ​ການ​ແກ້​ໄຂແລະເສີມ​ຂະ​ຫຍາຍໃນ​ແຕ່​ລະ​ປີ. ການລົງ​ທຶນ​ຂອງ​ຫວຽດ​ນາມ​ຢູ່​ລາວ​ສືບ​ຕໍ່​ມີ​ການ​ເພີ່ມ​ຂຶ້ນ​ຢ່າງ​ກວ້າງ​ຂວາງ, ລາວ​ແມ່ນ​ປະ​ເທດ​ທີ່​ຢູ່​ໃນ​ອັນ​ດັບ​ໜຶ່ງໃນ​ບັນ​ດາ 67 ປະ​ເທດ ແລະ ຂົງ​ເຂດ​ໃກ້​ຄຽງ​ທີ່​ມີ​ການ​ເຄື່ອນ​ໄຫວ​ລົງ​ທຶນ​ຂອງ​ບັນ​ດ​າວິ​ສ​ະ​ຫະ​ກິດຫວຽດ​ນາມ ແລະ ຫວຽດ​ນາມປະ​ຈຸ​ບັນນອນ​ຢູ່​ໃນ​ອັນ​ດັບ​ສາມ​ໃນ​ບັນ​ດາ 52 ປະ​ເທດ ແລະ ຂົງ​ເຂດ​ທີ່​ມີ​ການເຄື່ອນ​ໄຫວລົງ​ທຶນຢູ່​ລາວດ້ວຍ​ມູນ​ຄ່າ​ການ​ລົງ​ທຶນ​ທັງ​ໝົດ​ບັນ​ລຸ 5,6 ຕື້ USD.

ກໍ່ຄືໃນໄລຍະປີ 2010 – 2014 ອາໄສບັນດາວິທີການປ່ຽນແປງໃໝ່, ສົ່ງເສີມການພັດທະນາເສດຖະກິດ ດັ່ງນັ້ນ GDP ຂອງລາວຢາມໃດກໍ່ຂະຫຍາຍຕົວຢູ່ໃນລະດັບສູງ. ເຖີງຢ່າງໃດກໍ່ຕາມ, ພື້ນຖານວັດຖຸ, ໂຄງລ່າງຂອງລາວຍັງຫຼ້າຫຼັງ, ເປັນຕົ້ນແມ່ນເຂດຊົນນະບົດ. ວັນທີ 02/02/2013, ລາວກາຍເປັນສະມາຊິກຜູ້ທີ່ 158 ຂອງອົງການການຄ້າໂລກ (WTO), ເຫດການນີ້ໄດ້ເປີດກວ້າງໂອກາດອັນໃໝ່ໃຫ້ແກ່ພື້ນຖານເສດຖະກິດຂອງລາວ, ພ້ອມທັງເປັນບັນດາຄວາມ ທ້າທາຍໃໝ່.

ທາມກາງການປ່ຽນແປງຂອງສະພາບແວດລ້ອມທຸລະກິດໃໝ່, ເຊີ່ງມີຫຼາຍສີ່ງທ້າທາຍ ແລະ ໂອກາດໃໝ່, ແກ້ໄຂໄດ້ບັນ ດາຄວາມຫຍຸ້ງຍາກໃນໄລຍະສ້າງຕັ້ງທຳອິດໄດ້ຄ່ອຍໆເປີດເຜີຍບັນດາຂໍ້ຈຳກັດພາຍໃນເຊັ່ນໂຄງຮ່າງການ ຈັດຕັ້ງ, ລະບົບ ການຄຸ້ມຄອງ, ບໍລິຫານຍັງມີຂໍ້ບົກພ່ອງໃນຂະນະທີ່ຄວາມກົດດັນໃນການແຂ່ງຂັນນັບມື້ເພີ່ມຂຶ້ນ, ລວມທັງຢູ່ໃນຂົງເຂດ ຕະຫຼາດທີ່ LaoVietBank ມີທ່າໄດ້ປຽບ. ບັນຫານີ້ເຮັດໃຫ້ LaoVietBank ຈຳເປັນຕ້ອງລົງມືກໍ່ສ້າງທິດທາງການຂະ ຫຍາຍຕົວໃນໄລຍະຍາວ. ໃນນັ້ນກຳນົດ:

a) ໜ້າທີ່ຂອງ LaoVietBank ໃນໄລຍະໃໝ່

ເຊື່ອງໂຍງສອງພື້ນຖານເສດຖະກິດລາວ – ຫວຽດນາມ: ກາຍເປັນຜູ້ທຳນຳໜ້າໃນການສະໜອງບັນດາວິທີການດ້ານ ການທະນາຄານ, ການເງິນໃຫ້ແກ່ບັນດານິຕິບຸກຄົນທີ່ມີສາຍພົວພັນການຄ້າ, ການລົງທຶນລະຫວ່າງລາວ – ຫວຽດນາມ.

ປະກອບສ່ວນອັນສຳຄັນເຂົ້າໃນການພັດທະນາເສດຖະກິດຂອງຫວຽດນາມ ແລະ ລາວ: LaoVietBank ກາຍເປັນໜຶ່ງ ສະຖາບັນເສດຖະກິດທີ່ເຂັ້ມແຂງ, ດຳເນີນທຸລະກິດກັບຫຼາຍປະເທດ, ປະກອບສ່ວນສຳຄັນເຂົ້າໃນການພັດທະນາເສດ ຖະກິດຂອງສອງປະເທດລາວ – ຫວຽດນາມ.

ປົກປ້ອງ ແລະ ເສີມຂະຫຍາຍບັນດາຄູນຄ່າແຫຼ່ງກຳລັງຂອງຜູ້ຖືຮຸ້ນ, ເປັນຕົ້ນແມ່ນສອງທະນາຄານແມ່ BIDV ແລະ BCEL.

b) ເປົ້າໝາຍລວມ

ຮອດ​ປີ 2015, LaoVietBank ກ​າຍ​ເປັນ​ທະ​ນາ​ຄານແຖວໜ້າຢູ່​ລາວດ້ານ​ຄຸນ​ນະ​ພາບຜະ​ລິດ​ຕະ​ພັນ – ການ​ບໍ​ລິ​ການ, ເຕັກ​ໂນ​ໂລ​ຊີ, ຄຸນ​ນະ​ພາບ​ບຸກ​ຄະ​ລະ​ກອນ ແລະ ສ່ວນ​ແບ່ງ​ຕະຫຼ​າດ; ບໍ່​ຢຸດ​ທີ່​ຈະ​ຍົກ​ສູງ​ທ່າ​ແຮງ​ດ້ານ​ການ​ເງິນ ແລະ ໝາກ​ຜົນ​ການ​ເຄື່ອນ​ໄຫວ​ໂດຍ​ຜ່ານການ​ປັບ​ປຸງ​ຂາ​ຮຸ້ນ – ອັດ​ຕາ​ຮຸ້ນ​ສ່ວນ​ໃນ​ໄລ​ຍະ​ເວ​ລາ​ທີ່​ເໝາະ​ສົມ, ຮັບ​ປະ​ກັນ​ສິດ​ໃນ​ການແບ່ງ​ປັນ​ຂອງ​ສອງ​ທະ​ນາ​ຄານ​ແມ່ BIDV ແລະ BCEL; ຮອດ​ປີ 2020, ກາຍ​ເປັນ​ໜຶ່ງ​ໃນ​ບັນ​ດາ​ສະ​ຖາ​ບັນ​ການ​ເງິນ​ການ​ທະ​ນາ​ຄານຢູ່​ລາວ, ດຳເນີນທຸ​ລະ​ກິດຫຼາກຫຼາຍໃນ​ຂະ​ແໜງ​ການ​ເງິນ.

c) ພັດທະນາລະບົບບັນດາມູນຄ່າໃໝ່

ສຸມໃສ່​ກໍ່​ສ້າງ ແລະ ຫັນ​ປ່ຽນມູນ​ຄ່າທີ່​ສຳ​ຄັນ​ທີ່​ສຸດດ້ວ​ຍ​ສາມຫຼັກການ​ພື້ນ​ຖານ:

- ລູກ​ຄ້າເປັນ​ສູນ​ກາງ, ເປັ​ນ​ເປົ້າ​ໝາຍ​ເຄື່ອນ​ໄຫວ​ທຸ​ລະ​ກິດ: ປັບ​ປຸງ​ຜະ​ລິດ​ຕະ​ພັນບໍ​ລິ​ການ, ປັບ​ປຸງ​ບຸກ​ຄະ​ລະ​ກອນ ແລະ ຄຸ້ມ​ຄອງ​ລະ​ບົບເຕັກ​ໂນ​ໂລ​ຊີຫັນ​ເຂົ້າ​ຫາ​ລູກ​ຄ້າແນ​ໃສ່​ຕອບ​ສະ​ໜອງດີ​ທີ່​ສຸດຄວາມ​ຕ້ອງ​ການໃນ​ຂອບ​ເຂດຕະຫຼາດ​ເປົ້າ​ໝາຍເພື່ອ​ບັນ​ລຸ​ໄດ້ບັນ​ດາເປົ້າ​ໝາ​ຍ​ທຸ​ລະ​ກິດທີ່​ວາງ​ອອກ, ຄວາມ​ຮຽກ​ຮ້ອງ​ດ້ານ​ການ​ເມືອງທີ່​ໄດ້​ຮັບ​ມອບ​ໝາຍ,

- ວຽກ​ງານຄຸ້ມ​ຄອງ​ຄວາມ​ສ່ຽງ​ແມ່ນ​ພື້ນ​ຖານ​ຂອງການ​ຄຸ້ມ​ຄອງ, ບໍ​ລິ​ຫານ​ທົ່ວ​ລະ​ບົບ: ບັນ​ດາການ​ກຳ​ນົດ​ນະ​ໂຍ​ບາຍ​ກ່ຽວ​ກັບເສດ​ຖະ​ກິດຈະ​ອິງ​ຕາມ​ການ​ວິ​ເຄາະ, ຕີ​ລາ​ຄາຢ່າງ​ເຂັ້ມ​ງວດ, ລວມ​ສູນ, ກວມ​ເອົາ​ທຸກ​ອົງ​ປະ​ກອບຄວາມ​ສ່ຽງແນ​ໃສ່​ຮັບ​ປະ​ກັນມູນ​ຄ່າສູງ​ສຸດ​ໃຫ້​ແກ່​ລູກ​ຄ້າ, ມູນຄ່າທີ່​ດີ​ທີ່​ສຸດ​ໃຫ້​ແກ່ LaoVietBank

- ບຸກ​ຄະ​ລະ​ກອນ ແລະ ເຕັກ​ໂນ​ໂລ​ຊີ​ແມ່ນປັດ​ໄຈ​ສຳ​ຄັນຕັດ​ສິນ​ຜົນ​ສຳ​ເລັດຂອງ LaoVietBank: ຜົນ​ປະ​ໂຫຍກ​ຂອງ​ພະ​ນັກ​ງານ, ພະ​ນັກ​ງານທຸກ​ຄົນ​ມີ​ກຽດ, ຮັບ​ປະ​ກັນ​ຊິ​ວີດ​ການ​ເປັນ​ຢູ່ ແລະ ຄຸນ​ຄ່າ​ບຸກ​ຄະ​ລະ​ກອນອື່ນໆ, ສ້າງ​ເງື່ອນ​ໄຂ​ກໍ່​ສ້າງໃຫ້​ຕິດ​ພັນ, ອຸ​ທິດ​ຕົນຂອງບຸກ​ຄະ​ລະ​ກອນ.

ເຕັກໂນ​ໂລ​ຊີ​ແມ່ນ​ປັດໄຈຕັດສິນໃນ​ກ​ານບັນ​ລຸໄດ້​ບັນ​ດາທ່າ​ໄດ້​ປຽບຂອງ​ທຸ​ລະ​ກິດໃນ​ນາມ​ເປັນ​ພື້ນ​ຖານ​ໃຫ້​ແກ່​ການ​ຂະ​ຫຍາຍ​ຕົວທຸ​ລະ​ກິດ.

ການ​ລົງ​ທຶນ​ໃຫ້​ແກ່​ບຸກ​ຄະ​ລະ​ກອນ ແລະ ລະ​ບົບ​ເຕັກ​ໂນ​ໂລ​ຊີແມ່ນບຸ​ລິ​ມະ​ສິດ​ແຖວ​ໜ້າ​ໃນ​ນະ​ໂຍ​ບາຍການ​ລົງທຶນຂະ​ຫຍາຍ​ຕົວ​ຢູ່ LaoVietBank ໃນ​ໄລ​ຍະ​ນີ້.

d) ໝາກຜົນການປະຕິບັດ

ປະ​ຕິ​ບັດ​ບັນ​ດາ​ເປົ້າ​ໝາຍ​ຍຸດ​ທະ​ສາດ​ທີ່​ກ່າວ​ມາ​ຂ້າງ​ເທິງ, ດ້ວຍ​ບັນ​ດາ​ທິດ​ທາງ​ທີ່​ຖືກ​ຕ້ອງຂອງ​ຕົນໃນ​ການ​ຜັນ​ຂະ​ຫຍາຍ​ຍຸດ​ທະ​ສາດ​ທຸ​ລະ​ກິດ, ຮອດ​ປີ 2012 LaoVietBank ໄດ້​ບັນ​ລຸ​ບັນ​ດາ​ໝ​າກ​ຜົນ​ອັນ​ສຳ​ຄັນ​ເຊັ່ນ: ສ້າງ​ຄວາມ​ເຂັ້ມ​ແຂງ​ໃນ​ໂຄງ​ຮ່າງ​ການ​ຈັດ​ຕັ້ງ ແລະ ວຽກ​ງານ​ບຸ​ກຄະ​ລະກອນເໝ​າະສົມກັບຂະ​ໜາດ ແລະ ລັກ​ສະ​ນະ​ການ​ເຄື່ອນ​ໄຫວ​ໃນ​ໄລ​ຍະ​ໃໝ່; ລິ​ເລີ່ມການກໍ່​ສ້າງ ແລະ ເປີ​ດນຳ​ໃຊ້ອາ​ຄານ LaoVietBank Tower ເພື່ອຂະ​ຫຍາຍ​ສຳ​ນັກ​ງານ​ເຮັດ​ວຽກພ້ອມ​ທັງ​ກໍ່​ສ້າງສຳ​ນັກ​ງານ​ທີ່ກວ້າງ​ຂວາງ, ສະ​ຫງ່າ​ງາມກວ່າ​ເກົ່າແນ​ໃສ່​ຕອບ​ສະ​ໜອ​ງ​ຄວາມ​ຕ້ອງ​ການ​ໃນ​ການ​ເຄື່ອນ​ໄຫວ; ສືບ​ຕໍ່​ເປີດກວ້າງ​ຕາ​ໜ່າງ​ການ​ເຄື່ອນ​ໄຫວໂດຍ​ການ​ສ້າງ​ຕັ້ງ​ສາ​ຂາສຳ​ຫວັນ​ນະ​ເຂດໃນ​ປີ 2009, ສາ​ຂາ​ອັດ​ຕະ​ປື ປີ 2011, ສາ​ຂາ​ຊຽງ​ຂວາງປະ​ມານ​ປີ 2012, ສ້າງ​ຕັ້ງ​ສາ​ຂາຫຼວງ​ພະ​ບາງ; ສ້າງ​ຕັ້ງ​ໜ່ວຍ​ບໍ​ລິ​ການຄຳ​ມ່​ວນ ແລະ ອຸ​ດົມ​ໄຊເພື່ອ​ເປັນ​ເງື່ອນ​ໄຂ​ຂະ​ຫຍາຍ​ຍົກ​ສູງໃຫ້​ກາຍ​ເປັນສາ​ຂາ​ໃໝ່, ເປີດ​ກວ້າງ​ຕາ​ໜ່າງການ​ເຄື່ອນ​ໄຫວຢູ່​ຂົງ​ເຂດ​ເທດ​ສະ​ບານ​ວຽງ​ຈັນ​ ແລະ ບັນ​ດາ​ສາ​ຂາດ້ວຍ​ລະ​ບົບໜ່ວຍ​ບໍ​ລິ​ກາ​ນ, ຈຸດ​ບໍ​ລິ​ການເພື່ອ​ຕອບ​ສະ​ໜອງ​ໄດ້​ຄວາມ​ຮ​ຽກ​ຮ້ອງ​ຕ້ອງ​ກາ​ນນັບ​ມື້​ນັບ​ເພີ່ມ​ຂຶ້ນຂອງລູກ​ຄ້າ; ປະ​ຕິ​ບັດ​ສຳ​ເລັດການ​ຫັນ​ປ່ຽນ​ສູ່​ລະ​ບົບ CoreBanking Flexcube ໄດ້​ຕີ​ລາ​ຄາ​ເປັນ​ລະ​ບົບ​ທະ​ນາ​ຄານທີ່​ສຳ​ຄັນ​ທີ່​ສຸດ, ທັນ​ສະ​ໄໝທີ່​ສຸດ​ໃນ​ປະ​ຈຸ​ບັນແລະເປັນຈຸດເລີ່ມ​ຕົ້ນໃນໄລ​ຍະ​ການ​ຂະ​ຫຍາຍ​ຕົວ, ຫັນ​ເປັນ​ທະ​ນາ​ຄານ​ທັນ​ສະ​ໄໝດ້ວຍ​ເຕັກ​ໂນ​ໂລ​ຊີ​ກ້າວ​ໜ້າ; ສຳ​ເລັດ​ການ​ເພີ່ມ​ທຶນ​ຈົດ​ທະ​ບຽນ​ຂຶ້ນ​ເປັນ 70 ລ້ານ USD; ເປັນ​ທະ​ນາ​ຄານ​ທຳ​ອິດ​ຢູ່​ລາວເຊື່ອມ​ໂຍງ​ສຳ​ເລັດກັບ​ລະ​ບົບເຊື່ອມ​ໂຍງ Bconnex, ຄັ້ງ​ທຳ​ອິດ​ການ​ຊຳ​ລະ​ສະ​ສາງ​ດ້ວຍ​ບັດ ATM ໄດ້​ປະ​ຕິ​ບັດ​ລະ​ຫວ່າງ​ບັນ​ດາ​ທະ​ນາ​ຄານ​ຢູ່​ລາວ; ເຊື່ອ​ມ​ໂຍງ​ສຳ​ເລັດ​ກັ​ບ​ລະ​ບົບ​ເຊື່ອມ​ໂຍງ​ລະ​ຫວ່າງ​ປະ​ເທດຫວຽດ​ນາມ BanknetVN ນີ້​ແມ່ນ​ການ​ບໍ​ລິ​ການ​ທີ່​ສະ​ດວກ​ເມື່ອ​ຊົ​ມ​ໃຊ້​ການ​ບໍ​ລິ​ການ​ດ້າວຍບັດ ATM ລະ​ຫວ່າງ​ສອງ​ປະ​ເທດ, ບັນ​ດາ​ລູກ​ຄ້າ​ທີ່​ນຳ​ໃຊ້​ບັດຂອງ​ບັນ​ດາ​ທະ​ນາ​ຄານຫວຽດ​ນາມ ແລະ ບັດຂອງ LaoVietBank ສາ​ມາດ​ ຖອ​ນ​ເງິນຢູ່​ບັນ​ດາ​ຕູ້ ATM ຢູ່​ສອງ​ປະ​ເທດ; ຍົກ​ລະ​ດັບ​ລະ​ບົບຈັກ​ຄວບ​ຄຸມ​ລະ​ບົບຫຼັກໃຫ້​ແກ່ LaoVietBank. ຍຸດ​ຕິ​ການ​ເຄື່ອນ​ໄຫວ​ຂອງ​ສອງ​ສາ​ຂາຢູ່​ຫວຽດ​ນາມເຊັ່ນສາ​ຂາ​ຮ່າ​ໂນ້ຍ ແລະ ໂຮ່​ຈີ​ມິງເພື່ອ​ສຸມ​ທຸກ​ແຫຼ່ງ​ກຳ​ລັງ​ລົງ​ທຶນ​ຢູ່​ຕະຫຼາດ​ກ​ານ​ເງິນ​ຂອງລາ​ວ; ສ້າງ​ສຳ​ເລັດການ​ຊຳ​ລະ​ສະ​ສາງ​ລະ​ຫວ່າງ LaoVietBank ແລະ BCEL; ສຳ​ເລັດ​ການ​ເພີ່ມ​ທຶນ​ຈົດ​ທະ​ບຽນຂຶ້ນ​ເປັນ 100 ລ້ານ USD ແລະ ເພີ່ມ​ເຕີມ​ຂາ​ຮຸ້ນ​ທີ 3 ເພື່ອ​ເສີມ​ຂະ​ຫຍາຍ​ໃຫ້ຫຼາຍກວ່າ​ເກົ່າ​ກຳ​ລັງ​ດ້ານ​ການ​ເງິນໃຫ້​ແກ່ LaoVietBank; ຈັດ​ຕັ້ງ​ສຳ​ເລັດ​ພິ​ທີ​ສະ​ເຫຼີມ​ສະຫຼອງຄົບ​ຮອບ 15 ປີ​ແຫ່ງກ​ານ​ສ້າງ​ຕັ້ງ LaoVietBank ແນ​ໃສ່​ຮັບ​ຮູ້​ໄດ້​ບັນ​ດາ​ໄລ​ຍະ​ເສັ້ນ​ທາງ​ແຫ່ງ​ການຂະ​ຫຍາຍ​ຕົວ​ຂອງ LaoVietBank; ສຳ​ເລັດ​ການຮັບ​ຮອງ​ໃຫ້​ກູ້​ຢືມ​ເງິນ​ຈາກ​ທະ​ນາ​ຄານ Cathay United Bank, ກາຍ​ເປັນ​ທະ​ນາ​ຄານ​ທຳ​ອິດຢູ່​ລາວທີ່​ຕອບ​ສະ​ໜອງ​ໄດ້ບັນ​ດາ​ມາດ​ຖານ​ເງື່ອນ​ໄຂ​ຂອງສະ​ຖາ​ບັນ​ກ​ານ​ເງິນ​ຕ່າງ​ປະ​ເທດເພື່ອ​ໄດ້​ຮັບ​ຮອງ​ໃຫ້​ກູ້​ຢືມ​; ສອງ​ປີ​ຊ້ອນໄດ້​ຮັບ​ລາງວັນຈາກວາ​ລະ​ສານ Asean Banking and Finance ເລືອກ​ໃຫ້​ເປັນ​ທະ​ນາ​ຄານ “ທະ​ນາ​ຄານ​ມີ​ແນວ​ຄິດ​ປະ​ດິດ​ສ້າງ ທີ່​ມີ​ໝາກ​ຜົນທີ່​ສຸດ​ໃນ​ພື້ນ​ຖານ CoreBanking ປີ 2013 ຢູ່​ລາວ” ແລະ “ທະ​ນາ​ຄານ​ມີ​ເຕັກ​ໂນ​ໂລ​ຊີ ແລະ ເຄື່ອນ​ໄຫວ​ດີ​ທີ່​ສຸດປີ 2014 ຢູ່​ລາວ”; ບໍ່​ຢຸດ​ທີ່​ຈະ​ກໍ່​ສ້າງ, ປັບ​ປຸງ ແລະ ເພີ່ມ​ເຕີມ​ຄຸ​ນ​ຄ່າວັດ​ທະ​ນະ​ທຳວິ​ສາ​ຫະ​ກິດ; ສຳ​ເລັກ​ການ​ກໍ່ສ້າງລະ​ບົບເຄື່ອງໝາຍ​ການ​ຄ້າໃໝ່​ໃຫ້​ແກ່ LaoVietBank ນັບ​ມື້​ທັນ​ສະ​ໄໝ, ເປັນ​ມື​ອ​າ​ຊີບ ແລະ ພ້ອມ​ພຽງ​ກັນ​ທົ່ວ​ລະ​ບົບ.

ເປັນ​ກຽດ​ໄດ້​ຮັ​ບຫຼຽນ​ໄຊ​ມິດ​ຕະ​ພາບຂອງ​ພັກ, ລັດ​ຖະ​ບານຫວຽດ​ນາມມອບ​ໃຫ້; ຫຼຽ​ນ​ໄຊ​ແຮງ​ງານ​ຊັ້ນ​ສອງຂອງ​ພັກ, ລັດ​ຖະ​ບານລາວມອບ​ໃຫ້; ຫຼຽນ​ໄຊ​ມິດ​ຕະ​ພາບຂອງ​ພັກ, ລັດ​ຖະ​ບານລາວມອບ​ໃຫ້; ຫຼຽນ​ໄຊ​ແຮງ​ງານ​ຊັ້ນ​ສາມ​ທີ່​ພັກ, ລັດ​ຖະ​ບານ​ຫວຽດ​ນາມມອບ​ໃຫ້; ໄດ້​ຮັບ​ນາມ​ມະ​ຍົດ​ເປັນ​ວິ​ສາ​ຫະ​ກິດດີ​ເດັ່ນຫວຽດ​ນາມ – ລາວ – ກຳ​ປູ​ເຈຍ;