.
ສິນເຊື່ອເບີກເກີນບັນຊີ (Overdraft).
ສິນເຊື່ອເບີກເກີນບັນຊີ (Overdraft) ແມ່ນເງິນກູ້ສຳລັບລູກຄ້າ ທີ່ມີຄວາມຕ້ອງການໃຊ້ຈ່າຍ ເງິນເກີນເງິນໃນບັນຊີທີ່ເປີດກັບທະນາຄານ, ເພື່ອຕອບສະໜອງ ຄວາມຕ້ອງການເງິນດ່ວນຂອງ ລູກຄ້າ, ຈ່າຍດອກເບ້ຍຕາມຈຳນວນເງິນທີ່ກູ້ຢືມ, ຄິດໄລ່ຕາມມື້ນຳໃຊ້ເງິນຕົວຈິງ ແລະ ອັດຕາ ດອກເບ້ຍຕາມການ ກຳນົດຂອງທະນາຄານ. ຫຼືເວົ້າອີກຢ່າງໜຶ່ງ, ສິນເຊື່ອເບີກເກີນບັນຊີອະນຸ ຍາດໃຫ້ບຸກຄົນ ທີ່ມີບັນຊີເງິນຝາກ ສາມາດຖອນເກີນເງິນທີ່ຕົວເອງມີ ຕາມວົງເງິນທີ່ໄດ້ຮັບການ ອະນຸມັດ.
ຄຸນປະໂຫຍດ
- ຊ່ວຍເສີມສະພາບຄ່ອງ ດ້ານທຶນໝູນວຽນໃຫ້ກັບລູກຄ້າ ໃນຊ່ວງລໍຖ້າຊໍາລະສະສາງ;
- ອະນຸມັດເງິນໄວ;
- ການປະກອບເອກະສານ ເພື່ອກູ້ຢືມງ່າຍດາຍ ແລະ ກະທັດຮັດ, ປະຢັດເວລາ;
- ການໄລ່ດອກເບ້ຍແມ່ນໄລ່ຕາມຈຳນວນມື້ທີ່ນຳໃຊ້ເງິນຕົວຈິງ;
- ທ່ານສາມາດຊໍາລະໄດ້ທັນທີ ເມື່ອມີສະພາບຄ່ອງເປັນປົກກະຕິ.
ປະເພດລູກຄ້າ
- ແມ່ນບຸກຄົນສັງກັດກັບໜ່ວຍງານທີ່ຈ່າຍເງິນເດືອນຜ່ານ ATM ຂອງ ທລວ.
ຄຸນລັກສະນະ.
- ສະກຸນເງິນທີ່ໃຫ້ກູ້ຢືມ : ກີບ, ໂດລາສະຫະລັດ, ບາດໄທ… ເໝາະສົມກັບເປົ້າໝາຍນໍາໃຊ້ ຕົວຈິງ;
- ໄລຍະເວລາການກູ້ຢືມ : ສູງສຸດ 12 ເດືອນ;
- ຮູບແບບການກູ້ຢືມ : ຫຼັງຈາກໄດ້ຮັບການອະນຸມັດ, ລູກຄ້າສາມາດຖອນເງິນ ໄດ້ທັນທີຕາມ ຈຳນວນເງິນທີ່ໄດ້ຮັບການອະນຸມັດ;
- ອັດຕາດອກເບ້ຍ : ຕາມຂໍ້ກຳນົດຂອງ ທລວ ຕາມແຕ່ລະໄລຍະ;
- ຫຼັກຊັບຄໍ້າປະກັນ : ສຳລັບລູກຄ້າສ່ວນບຸກຄົນ ແມ່ນບໍ່ຈຳເປັນຕ້ອງມີ ຫຼັກຊັບຄ້ຳປະກັນ ຖ້າວ່າລູກຄ້າ ແມ່ນພະນັກງານທີ່ສັງກັດ ກັບໜ່ວຍງານທີ່ເບີກຈ່າຍເງິນເດືອນຜ່ານບັດ ATM ຂອງ ທລວ (ພຽງແຕ່ຄ້ຳ ປະກັນດ້ວຍ ຄວາມເຊື່ອຖືຂອງໜ່ວຍງານ ທີລູກຄ້າກຳລັງ ເຮັດວຽກຢູ່).
ເງື່ອນໄຂການກູ້ຢືມ.
- ຜູ້ກູ້ຢືມຕ້ອງມີອາຍຸຕັ້ງແຕ່ 18 ປີ ເຖິງ 55 ປີ (ສຳລັບຜູ້ຍິງ) ແລະ 60 ປີ (ສຳລັບຜູ້ຊາຍ). ແຕ່ບໍ່ເກີນອາຍຸການເຮັດວຽກທີ່ຍັງເຫຼືອຂອງໜ່ວຍງານທີ່ລູກຄ້າສັງກັດຢູ່;
- ມີລາຍຮັບເປັນປົກກະຕິ, ໝັ້ນຄົງ ແລະ ເບີກຈ່າຍເງິນເດືອນຜ່ານບັນຊີເງິນຝາກຂອງ ທລວ;
- ມີທີ່ຢູ່ເປັນຫຼັກແຫຼ່ງ;
- ເຄີຍພົວພັນສິນເຊື່ອ ຫຼື ເງິນຝາກ (ຕໍ່າສຸດເທົ່າກັບວົງເງິນ OD) ກັບ ທລວ ແລະ ມີຄວາມ ເຊື່ອຖືກັບ ທລວ.
ເອກະສານການກູ້ຢືມ
- ໃບສະເໜີຂໍເປີດວົງເງິນ OD (ຕາມແບບຟອມ ທລວ);
- ສຳມະໂນຄົວ;
- ບັດປະຈຳຕົວ ຫຼື ໜັງສືຜ່ານແດນ ທີ່ຍັງມີຜົນສັກສິດ;
- ຂໍ້ຕົກລົງຄັດເລືອກພະນັກງານ (ຂໍ້ຕົກລົງແຕ່ງຕັ້ງ ສຳລັບກໍລະນີລູກຄ້າລະດັບຫົວໜ້າ, ການ ນຳ) ສັນຍາແຮງງນ;
- ໃບຢັ້ງຢືນຖານະການເງິນ ຕໍ່າສຸດ 03 ເດືອນ ກ່ອນເວລາກູ້ຢືມ;
- ໃບຮັບປະກັນຈາກໜ່ວຍງານທີ່ລູກຄ້າກຳລັງເຮັດວຽກຢູ່.
ຕິດຕໍ່ພົວພັນ:
ສອບຖາມຂໍ້ມູນເພີ່ມເຕີມ, ກະລຸນາ ຕິດຕໍ່ພົວພັນໂດຍກົງ ກັບພະນັກງານ ພະແນກ ພົວພັນລູກຄ້າ.ໂທລະສັບ: 021 216316. Email:Phongquanhekhachhang@yahoo.com.