.
ເມື່ອທ່ານເລືອກຮູບການ ນຳເຂົ້າສິນຄ້າ ແບບຮຽກເກັບເອກະສານ ( Collection ) ແລະ ຕ້ອງໃຫ້ທະນາຄານຊ່ວຍຮັບຊຸດເອກະສານຮຽກເກັບ ທີ່ຕ່າງປະເທດສົ່ງມາຮຽກເກັບ. ນັ້ນແມ່ນຮູບການບໍລິການ
ຂອງທະນາຄານແຈ້ງເອກະສານຮຽກເກັບຈາກຕ່າງປະເທດໃຫ້ກັບລູກຄ້າ ແລະ ຕາງໜ້າໃຫ້ກັບລູກຄ້າທີ່ນຳເຂົ້າສິນຄ້າ ເປັນຜູ້ຊຳລະ ສິນຄ້າໃຫ້ຜູ້ສົ່ງອອກ. ການບໍລິການແຈ້ງເອກະສານຮຽກເກັບຂອງ
LaoVietBank ຮັບປະກັນລູກຄ້າຈະໄດ້ຮັບຊຸດເອກະສານຢ່າງວ່ອງໄວທີ່ສຸດ.
ຜົນປະໂຫຍດຕໍ່ກັບລູກຄ້າ
- ທ່ານຈະໄດ້ຮັບການແນະນຳ ໂດຍທີ່ບໍ່ເສຍຄ່າບໍລິການ ແລະ ຫຼຸດຜອ່ນຄວາມສ່ຽງ;
- ແຕ່ລະຂັ້ນຕອນສະດວກງ່າຍດາຍ ແລະ ຄ່າທຳນຽມຕ່ຳ ຖ້າທຽບກັບເປີດ LC;
- ໃຊ້ເວລາໃນການປະຕິບັດ ແລະ ແກ້ໄຂໄດ້ໄວ;
- ຈະໄດ້ຮັບການສະໜັບສະໜູນທາງດ້ານການເງິນໂດຍຜ່ານຮູບແບບການສະໜັບ ສະໜູນສິນເຊື່ອຂອງການນໍາເຂົ້າ;
- ຮັບປະກັນຄວາມປອດໄພ, ປິດລັບຂໍ້ມູນຂອງລູກຄ້າ.
ຮູບການຮຽກເກັບ
- ຮຽກເກັບຈ່າຍທັນທີ D/A(ຮຽກເກັບຕາມຮູບການຊຳລະຊຸດຈ່າຍເອກະສານທັນທີ);
- ຮຽກເກັບຈ່າຍເປັນງວດ D/P (ຮຽກເກັບຕາມຮູບການຍອມຮັບ ຊຳລະຈ່າຍຊຸດເອກະສານເປັນງວດ).
ເອກະສານປະກອບ.
- ໜັງສືຮຽກຮ້ອງ ຊຳລະຊຸດເອກະສານຮຽກເກັບ ( ຕາມແບບຟອມ ຂອງ ທລວ );
- ເອກະສານທີ່ຖືກຕ້ອງຕາມກົດໝາຍ;
- ຊຸດເອກະສານຮຽກເກັບ ຈາກທະນາຄານຕ່າງປະເທດ;
- ໃບຍອມຮັບຊຳລະຊຸດເອກະສານຈາກລູກຄ້າ;
- ບັນດາເອກະສານອື່ນໆທີ່ກ່ຽວຂ້ອງກັບສັນຍາຊື້ຂາຍ.