.
ຝາກປະຢັດມີກຳນົດ (ຈ່າຍເປັນງວດ)
ບັນຊີເງິນຝາກປະຢັດມີກຳນົດນີ້ແມ່ນເງິນຝາກທີ່ຜູ້ຝາກ ສາມາດຖອນເງິນເມື່ອຄົບກຳນົດຕາມກຳນົດເວລາໃດໜື່ງທີ່ໄດ້ມີການຕົກລົງກັບທະນາຄານ.
ຜົນປະໂຫຍດທີ່ລູກຄ້າຈະໄດ້ຮັບ
- ມີຫຼາຍໄລຍະຝາກ, ຫຼາກຫຼາຍສະກຸນເງິນຝາກ ແລະ ຄ່ອງຕົວທີ່ສຸດ;
- ໄດ້ຮັບອັດຕາດອກເບ້ຍເງິນຝາກ ທີ່ໄດ້ລະບຸໄວ້ໃນ ທລວ;
- ລູກຄ້າສາມາດຖອນເງິນໄດ້ຢູ່ທຸກໆສາຂາຂອງ ທລວ;
- ມີປະກັນເງິນຝາກ;
- ລູກຄ້າສາມາດນຳໃຊ້ຍອດເງິນ ໃນບັນຊີຝາກປະຢັດເພື່ອຄ້ຳປະກັນ, ຈຳນຳເພື່ອກູ້ຢືມເງິນບັນດາສະຖາບັນການເງິນ;
- ລູກຄ້າສາມາດໂອນກຳມະສິດບັນຊີເງິນຝາກປະຢັດໄດ້.
ຄຸນຫຼັກສະນະຂອງຜະລິດຕະພັນ
- ປະເພດສະກຸນເງິນ ກີບ, ບາດ, ໂດລາ;
- ຍອດບັນຊີຕ່ຳສຸດ 500,000 ກີບ, 100ໂດລາ, 2,000 ບາດ;
- ໄລຍະ 01,02,03,04,05,06,07,08,09,10,11,12,13,15,18,24,36,48,60 ເດືອນ;
- ອັດຕາດອກເບ້ຍຄົງທີ່ ຕະຫລອດໄລຍະເວລາຝາກ, ອັດຕາດອກເບ້ຍແມ່ນຄິດໄລ່ຕາມຈຳນວນມື້ ແລະ ຈ່າຍໃຫ້ທຸກເດືອນ, ທຸກ 03ເດືອນ,
ທຸກປີຂຶ້ນກັບແຕ່ລະຜະລິດ ຕະພັນເງິນຝາກ;
- ວິທີການຊຳລະອັດຕາດອກເບ້ຍມີຢູ່ 03 ວິທີ: ຊຳລະດອກເບ້ຍລ່ວງໜ້າ, ຊຳລະເປັນເດືອນ ແລະ ຊຳລະເປັນງວດ;
- ໝູນຮອບ: ໝູນຮອບໃໝ່ເມື່ອຮອດກຳນົດ, ຖ້າຫາກລູກຄ້າບໍ່ມາປິດບັນຊີທະນາຄານຈະເອົາດອກເບ້ຍບວກເຂົ້າກັບຕົ້ນທຶນ ແລະ ໝູນຮອບໃໝ່ທີມີ ໄລຍະເວລາເທົ່າກັບຮອບ ທຳອິດ ແລະ ນຳໃຊ້ອັດ ຕາດອກເບ້ຍໃນໄລຍະເວລາທີ່ໝູນຮອບນັ້ນ (ບໍ່ນຳໃຊ້ກັບຮູບແບບ ການຈ່າຍດອກເບ້ຍກ່ອນ).
ເງື່ອນໄຂການລົງທະບຽນ
- ບຸກຄົນທີ່ເປັນພົນລະເມືອງລາວ, ບຸກຄົນຕ່າງປະເທດ ທີ່ໄດ້ຮັບອະນຸຍາດ ຕາມຂໍ້ກຳນົດ ທີ່ໄດ້ວາງອອກ;
- ເປົ້າໝາຍທີ່ເປີດບັນຊີ ເງິນຝາກປະຢັດມີກຳນົດ ດ້ວຍສະກຸນເງິນຕາຕ່າງປະເທດ ແມ່ນບຸກ ຄົນທີ່ອາໃສຢູ່ພາຍໃນປະເທດລາວ.
ເອກະສານການລົງທະບຽນ
- ເປີດບັນຊີ: ແບບຟອມຂໍເປີດບັນຊີຈາກ ທລວ, ບັດປະຈຳຕົວ/ສຳມະໂນ/ປັດສະປໍ.
- ຖອນເງິນຈາກບັນຊີ: ໃບສະເໜີຖອນເງິນຝາກມີກຳນົດ, ໃບຢັ້ງຢືນເງິນຝາກມີກຳນົດ, ເອກະສານ ບັດປະຈຳຕົວ ຕາມທີ່ລົງທະບຽນກັບ ທລວ.